Anadolu Isuzu ја доби наградата “Автобус на годината” за 2022 година на меѓународниот “Sustainable Bus” натпревар, една од најпрестижните награди во автобуската индустрија со моделот Interliner, кој е пионер во сегментот, благодарение на својата еколошки прифатлива CNG технологија.
Anadolu Isuzu, веќе препознатливиот бренд за комерцијални возила, го продолжува својот глобален успех со своите иновативни и еколошки прифатливи возила. Interliner CNG, е развиен од страна на Anadolu Isuzu да одговори на најдобар можен начин на потребите на купувачите на меѓународниот пазар. Токму овој модел беше номиниран во сегментот на Меѓуградски автобуси во рамки на изборот “Sustainable Bus Award”, организиран од страна на 7 признати магазини за комерцијални возила, кои се објавуваат во Италија, Франција, Англија, Германија, Шпанија, Романија и Словенија.
Жирито составено од меѓународни експерти ги оценуваше номинираните кандидати земајќи во предвид широк ранг на критериуми почнувајќи од дизајнот, потрошувачката на гориво, стандарди на емисија и безбедност, па се до комфор, бучава, можност за рециклирање на материјалите и генерално еколошката определба на производителите. Isuzu Interliner CNG беше оценуван заедно со уште неколку силни кандидати во сегментот на Меѓуградски автобуси и ја понесе наградата “Автобус на годината 2022”.
Isuzu Interliner: еколошки прифатлива опција за транспорт
Isuzu Interliner CNG, со должина од 13метри, е првото возило од овој сегмент, произведено во Турција, а еден од трите водечки бренда во Европа кои нудат решенија во овој сегмент. Благодарение на неговиот CNG мотор 100% компатибилен со природен гас, успеа да ја намали емисијата на гасови на прифатливо ниво, како и да оствари предност во однос на заштедата на гориво.
Interliner CNG, исто така се истакнува и со својот голем багажен простор. Interliner кој има зафатнина на багажниот простор од 7.5 кубни метри, благодарение на удобноста и функционалноста кои ги нуди може да понуди услуги како во сервисниот, така и во туристичкиот транспорт.
Развиен во R&D центарот на Anadolu Isuzu и опремен со smart сигурносни системи, Isuzu Interliner прави разлика во својот сегмент со карактеристики како повеќефункционалната инструмент табла и системот за дијагностика на дефекти. Interliner исто така се истакнува со аеродинамична линија, лед дневни светла, дигитална инструмент табла и иновативни линии и е добитник на “Gold A” наградата за дизајн во 2020 година.
