Традиционално, по шести пат Унијата на ЗМСТАС предводени од Здружението на медицински сестри, техничари, акушерки и стоматолошки сестри ЗМСТАС – ЗА НАС на 12ти мај ја организираше Свечената академија во чест на Меѓународната недела на сестринството.
Во присуство на голем дел од членовите, соработниците и добронамерниците на Унијата и сестринската професија домот на АРМ во Скопје беше целосно исполнет со позитивна енергија.
Настанот го отвори оперската певица, сопранот Серафина Фантузо со химната на Македонија.
![](https://wmk1-ci.xsoftstatic1.com/Write/07505/Images/AND_0648.jpg)
Унијата на здруженија предводени од Здружението на медицински сестри, техничари, акушерки и стоматолошки сестри „ЗА НАС“ за шест години успеа да сплоти над 6000 членови и секоја година токму во нивна чест ја организираат свечената академија каде се одаваат и признанија на луѓето кои се најзаслужни за афирмирање и развој на сестринството во нашата земја.
![](https://klub.automakedonija.com.mk/wp-content/uploads/2023/05/megjunarodna-nedela-na-sestrinstvoto-1-1-1998x899.jpg)